Todo o alumnado participa este curso no Proxecto das Olimpíadas.
Rematado o segundo trimeste do Proxecto, fíxose entrega da medalla de prata ao alumnado como agasallo polo seu bo traballo.
Seguiremos traballando no terceiro trimestre para gañar a medalla de ouro.
Hoxe visitounos Marta Bobo Arce, ex ximnasta olímpica que participou nos Xogos Olímpicos de Los Ángeles 1984.
O alumnado de 4º de Primaria tivo o pracer de coñecer a esta gran muller que lles contou as súas vivencias como ximnasta e a importancia do deporte na vida das persoas.
Actualmente é profesora da UDC, adestradora, xuíza internacional e integrante da Comisión de Educación da Academia da Federación Internacional de Ximnasia.
Moitas grazar por vir ao noso cole!!
Desde o Concello da Coruña infórmannos que está aberto o prazo de inscrición na XI Edición do Circuíto de Carreiras Populares Coruña Corre.
As persoas interesadas poden participar no conxunto das sete carreiras ou apuntarse de maneira individual. A inscrición de menores é de balde.
O Circuíto comezará o vindeiro sábado 23 de marzo coa XII Carreira Popular da Torre.
Co fin de promover a práctica do deporte e hábitos de vida saudables animamos a nosa comunidade educativa a participar neste circuíto de carreiras.
Esta semana rematamos a unidade de iniciación ao hóckey.
Comezamos con tareas de familiarización e despois xogamos partidos realizando variantes no xogo.
En marzo imos coa 6ª etapa da Ruta do Facho Olímpico no María Pita.
A etapa a percorrer vai de Middelburg (Sudáfrica) a Sao Paulo (Brasil).
