Remata o curso!!

  Hoxe remata o curso para o noso alumnado.

  Toca darlle os parabéns ás nosas nenas e aos nosos nenos polo moito que se esforzaron neste curso.

  Bo verán rapazada!!

 

CORUÑA CORRE 2023: Matogrande

  Este mes temos unha proba da "X Edición do Circuíto de Carreiras Populares Coruña Corre".

  Co fin de promover a práctica do deporte e hábitos de vida saudables animamos a nosa comunidade educativa a participar neste circuíto de carreiras.

  O prazo de inscrición para a proba do 25 de xuño remata o domingo 18 de xuño. 

  Cando te inscribas recorda poñer que pertences ao CEIP María Pita.

 

Credenciais do Camiño dos Faros

   Unha vez rematado o Camiño dos Faros, o alumnado xa está recibindo a súa credendial que certifica a súa participación na actividade. Cada etapa vai cuñada co selo do cole.

Camiño dos Faros 2022-2023

    Rematamos o Camiño dos Faros coa finalización da 8ª etapa.

   Comezamos no mes de outubro esta actividade na que o alumnado facía andainas no circuito preparado nos exteriores do cole ata ir completando as 8 etapas do Camiño. Ademais nas titorías foronse realizando actividades relacionadas co Camiño.

  Para celebrar o final da actividade elaboramos o seguinte vídeo:

Rematamos o Camiño dos Faros o Día do Medio Ambiente

    Hoxe luns, 5 de xuño, é o Día do Medio Ambiente e foi o día elexido para dar por rematado o Camiño dos Faros.

   Despois de 8 meses nos que todo o alumnado participou nas andainas das 8 etapas damos por rematado o Camiño dos Faros.

  E que mellor día para xuntarnos todo o cole e facer a derradeira andaina que o Día do Medio Ambiente.

  Este é o vídeo da actividade.