O alumnado de 2º de Educación Primaria fixo uns debuxos dos xogos que máis gustaron neste 1º trimestre que remata.
Preme na imaxe para ver o resultado.
O pasado mércores 16 celebramos a Carreira Solidaria "Kilómetros de Solidariedade" de Save the Children.
O alumnado de 5º e 6º de Primaria participaron recorrendo o circuito de 3 voltas nas pistas do cole.
Neste Proxecto traballamos a defensa e promoción dos Dereitos da Infancia dentro e fóra da aula a través de 3 liñas: deportiva, pedagóxica e solidaria.
Estas son as imaxes da xornada:
Despois de rematar a parte principal da sesión quédanos por facer a volta á calma.
Nesta parte realizamos tareas máis suaves, falamos sobre a sesión e facemos o aseo individual.
En moitas ocasións facemos tareas de estiramentos. Como exemplo podemos facer os seguintes:
Comezamos a sesión coa fase de información e despois xa imos co quecemento.
No quecemento ou activación realizamos uns exercicios de movilidade articular e unha pequena carreira antes de pasar aos xogos e á parte principal da sesión.
Como exemplo de tareas de movilidade articular podemos facer as seguintes:
Imos facer unhas entradas no blog para ver as partes dunha sesión de Educación Física.
Na sesión temos as seguintes partes:
- Fase de información: na que falamos do que imos facer nesa sesión.
- Fase de quecemento ou activación: na que realizamos uns exercicios ou xogos para desentumecer os músculos antes de realizar outra tarea máis forte.
- Parte principal: na que traballamos os contidos mediante xogos.
- Volta á calma ou relaxación: na que realizamos tareas máis suaves, falamos sobre a sesión e facemos o aseo individual.
Este curso o CEIP María Pita vai participar no Proxecto Kilómetros de Solidariedade da organización Save the Children. Esta será a XVII edición da carreira escolar Kilómetros de Solidariedade.
Nesta edición os fondos recaudados serán destinados para a loita por evitar e curar a neumonía infantil na Repúbica Democrática do Congo.
A data na que celebraremos a carreira no cole será o mércores 16 de decembro. Este ano participará o alumnado de 5º e 6º de Educación Primaria.
Onte celebramos o Día do Peón nas clases de Educación Física.
Aínda que o alumnado non bailou os peóns, explicamos as súas partes e os mestres fixemos unha demostración de como bailan.
O día 11 de novembro celébrase o Día do Peón.
Baixo o lema "Polo San Martiño, peóns ao camiño" preténdese que o día 11 de novembro convírtase nun día no que os peóns, bailados tanto pola rapazada como polos maiores, bailen e requebren por toda a xeografía galega.
Premendo na imaxe podemos ver un vídeo de como se fai un peón.
Seguimos co apartado de crear o noso propio material.
Imos facer un aro voador, xa veredes que doado.
Para facelo podemos seguir o seguinte titorial:
Despois do lanzador toca facer a nosa pelota de malabares.
No seguinte titorial podemos ver como se fai.
Este curso o noso alumnado vai elaborar diferente material para as sesións de Educación Física empregando material de refugallo.
Hoxe toca facer o noso lanzador.
No seguinte titorial vemos como se constrúe e algún exemplo dos diferentes xogos que podemos facer.
Queremos darvos a benvida ao blog do Departamento de Educación Física do CEIP María Pita.
A través del pretendemos contribuír á divulgación da actividade física na
comunidade educativa. Iremos mostrando as actividades que fagamos no
cole ao longo do curso.
