Imaxes do Día da Educación Física na Rúa 2025

    Onte celebramos o Día da Educación Física na Rúa realizando unha sesión co alumnado de 3º de Primaria no parque de Oza.

 

Día da Educación Física na Rúa

  Hoxe, 10 de abril, celébrase o Día da Educación Física na Rúa.

   Entre os obxectivos desta iniciativa está mostrar a importancia da Educación Física para o desenvolvemento integral do alumnado e fomentar a práctica de actividades físicas variadas para o benestar físico, psíquico e social.

   Para celebralo imos realizar varias das sesións de Educación Física de hoxe no parque de Oza. 

 

 

Primeiros Auxilios en Primaria

    Esta semana, despois de recibir a formación en Primeiros Auxilios, o alumnado de 3º e 4º de Primaria puxo en práctica os coñecementos adquiridos empregando o material cedido por Protección Civil de A Coruña.

 

 

 

Primeiros Auxilios: obradoiro de Protección Civil

  O alumnado de 5º e 6º de Primaria participou nun obradoiro impartido por Federico de la Fuente, de Protección Civil de A Coruña. 

  Primeiro houbo unha parte teórica e despois as nenas e nenos tiveron outra parte práctica.

  Moitas grazas a Federico e a Protección Civil por impartir esta actividade.

Acrosport

   Rematamos o segundo trimestre coñecendo o acrosport.

 

Floorball

   Estamos rematando a unidade didáctica de iniciación ao hóckey.

   Comezamos con tareas de familiarización e despois xa xogamos partidos realizando variantes no xogo.

 

Buxainas con Guillem Vizcaíno

   Hoxe visitounos o noso amigo Luis Ramas, gran coñecedor do mundo das buxainas, e veu acompañado do mallorquín Guillem Vizcaíno.

  Guillem foi campión mundial de baile de buxainas tradicionais no ano 2020.

  Gozamos dunha demostración das súas habilidades coas buxainas.

  Grazas Luis e Guillem.

 

Malabares en 3º e 4º de Primaria

   O alumnado de 3º e 4º de Primaria rematou as sesións dedicadas aos malabares.

   Elaboraron o seu propio material para practicar varias habilidades de malabares.

 

Circuito de carreiras populares: CoruñaCorre 2025

 Desde o Concello da Coruña infórmannos que está aberto o prazo de inscrición na XII Edición do Circuíto de Carreiras Populares Coruña Corre.

As persoas interesadas poden participar no conxunto das sete carreiras ou apuntarse de maneira individual. A inscrición de menores é de balde.

 

O Circuíto comezará o vindeiro sábado 15 de marzo coa XIII Carreira Popular da Torre.

 Co fin de promover a práctica do deporte e hábitos de vida saudables animamos a nosa comunidade educativa a participar neste circuíto de carreiras.

 

 

Paladós en 5º e 6º de Primaria

   O alumnado de 5º e 6º de Primaria elaborou o seu propio material para a práctica do Paladós.

   Rematamos o mes de xaneiro con esta modalidade.

 

A Carreira Solidaria en imaxes

  Hoxe celebramos a Carreira Solidaria "Kilómetros de Solidariedade " de Save the Children.

   Antes da carreira, o alumnado de 6º de Primaria fixo lectura do Manifesto pola Paz e tocaron unha canción para celebrar o Día da Paz.

  Neste vídeo podedes ver como foi a xornada:

 

Día da Paz: Carreira Solidaria

  Este curso volvemos a participar no Proxecto Kilómetros de Solidariedade da organización Save the Children. Esta será a XXI edición da carreira escolar Kilómetros de Solidariedade.

  A data na que celebraremos a carreira no cole será o xoves 30 de xaneiro, coincidindo co Día da Paz. 

 Para presentar a carreira ao alumnado proxectamos nas aulas estes vídeos explicativos da ONG sobre as distintas emerxencias humanitarias nas que traballan.

Deportes de raqueta

   Comezamos o 2º trimestre traballando os deportes de raqueta.

  Nas primeiras sesións utilizamos as palas para xogar el parellas.